Номер 33, страница 27 - гдз по белорусскому языку 9 класс учебник Валочка, Васюковіч

33. Прачытайце тэкст. Назавіце часткі, на якія яго можна падзяліць. Дайце загалоўкі гэтым часткам.

Моладзь вогненных 1940-х — так называлі савецкіх юнакоў і дзяўчат, чыя маладосць прыпала на гады Вялікай Айчыннай вайны. Маладое пакаленне пераадолела ўсе выпрабаванні ваеннага ліхалецця і стала сімвалам смеласці, мужнасці і гераізму.

Камсамольцы Беларусі былі ўдзельнікамі вядомых партызанскіх аперацый на чыгунцы, якія ўвайшлі ў гісторыю пад назвай «рэйкавая вайна». Вядома нямала выпадкаў, калі людзі свядома ахвяравалі сабой, выконваючы баявое заданне. Так зрабіў 17-гадовы Мікалай Гойшык — падрыўнік з атрада імя А. П. Чарткова. У красавіку 1944 года замініраваць рэйкі на чыгуначным перагоне Бяроза — Івацэвічы не ўдалося з-за ўзмоцненай нямецкай аховы. Тады Мікалай кінуўся пад эшалон з сумкай, у якой была міна. У выніку выбуху былі знішчаны паравоз і 16 вагонаў з тэхнікай ворага, загінулі каля двухсот гітлераўцаў. Чыгунка выйшла са строю на 17 гадзін.

Недалёка ад вёскі Міхнавічы Івацэвіцкага раёна Брэсцкай вобласці юнаму герою ўстанавілі помнік. Подзвіг Мікалая Гойшыка — прыклад мужнасці і стойкасці для наступных пакаленняў (Паводле матэрыялаў БелТА).

Ахарактарызуйце ролю апавядальных сказаў у тэксце.

Карыстаючыся рознымі крыніцамі інфармацыі (у тым ліку кнігай «Генацыд бела-рускага народа ў гады Вялікай Айчыннай вайны» (для V—IX класаў)), падрыхтуйце праект аб подзвігах піянераў і камсамольцаў — герояў Вялікай Айчыннай вайны.

Тэкст можна падзяліць на 2 часткі:

1. Моладзь вогненных 1940-х.

2. Подзвіг Мікалая Гойшыка.