Номер 178, страница 131 - гдз по белорусскому языку 9 класс учебник Валочка, Васюковіч

178. Прачытайце тэкст. Як у вашай сям'і, школе адзначаюць свята мужчын?

Дзень абаронцаў Айчыны і Узброеных Сіл Беларусі

Гэта свята — сімвал адвагі і мужнасці, вернасці воінскай прысязе. Гэта дзень памяці аб самаахвярнасці тых, хто ў розныя часы абараняў незалежнасць роднай зямлі. Свята ўвасабляе сувязь пакаленняў, пашану да гераічнага мінулага краіны і гордасць за сучасную беларускую армію, якая стала надзейным вартавым мірнай працы нашых людзей. Невыпадкова ў гэты дзень мы нясём кветкі і ўскладаем вянкі да помнікаў воінам-героям.

З Днём абаронцаў Айчыны і Узброеных Сіл прынята віншаваць усіх мужчын: ветэранаў, былых і дзеючых ваенных, студэнтаў, аднакласнікаў. Маладыя людзі, якіх чакае служба ў арміі, як сапраўдныя мужчыны, павінны ўмець трымаць слова, сямбраваць, быць адказнымі, высакароднымі і добрымі. Ад кожнага з іх залежыць, якой будзе наша армія заўтра.

Каб стаць сапраўдным абаронцам Айчыны, трэба найперш стаць патрыётам, які шануе свой народ, яго гісторыю і культуру, ганарыцца поспехамі і дасягненнямі сваёй краіны (Паводле Д. Кашавара).

Назавіце складаныя сказы, вусна зрабіце іх сінтаксічны разбор.

На аснове гэтага тэксту складзіце і запішыце складаназлучаны і бяззлучнікавы складаны сказы, пракаменціруйце знакі прыпынку ў іх. Растлумачце правапіс выдзеленых слоў.

З дапамогай інтэрнэт-рэсурсаў падрыхтуйце паведамленне (прэзентацыю) пра адно з дзяржаўных свят нашай краіны: Дзень Канстытуцыі (15 сакавіка), Дзень яднання народаў Беларусі і Расіі (2 красавіка), Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь (другая нядзеля мая), Дзень Перамогі (9 мая), Дзень Незалежнасці Рэспублікі Беларусь (Дзень Рэспублікі) (3 ліпеня), Дзень народнага адзінства (17 верасня).

178. У нашай сям'і 23 лютага мы віншуем усіх мужчын: тату, дзядулю, братоў. Звычайна мама рыхтуе святочную вячэру, а мы дорым падарункі. У школе напярэдадні свята дзяўчынкі віншуюць хлопчыкаў, дораць ім невялікія сувеніры і ладзяць салодкі стол.

Складаныя сказы з тэксту:

Гэта дзень памяці аб самаахвярнасці тых, хто ў розныя часы абараняў незалежнасць роднай зямлі.

Свята ўвасабляе сувязь пакаленняў, пашану да гераічнага мінулага краіны і гордасць за сучасную беларускую армію, якая стала надзейным вартавым мірнай працы нашых людзей.

Маладыя людзі, якіх чакае служба ў арміі, як сапраўдныя мужчыны, павінны ўмець трымаць слова, сябраваць, быць адказнымі, высакароднымі і добрымі.

Ад кожнага з іх залежыць, якой будзе наша армія заўтра.

Каб стаць сапраўдным абаронцам Айчыны, трэба найперш стаць патрыётам, які шануе свой народ, яго гісторыю і культуру, ганарыцца поспехамі і дасягненнямі сваёй краіны.

Складаназлучаны сказ:

Свята ўвасабляе сувязь пакаленняў, і ў гэты дзень мы ўскладаем вянкі да помнікаў воінам-героям.

Бяззлучнікавы складаны сказ:

Гэта свята — сімвал адвагі і мужнасці, яно з'яўляецца днём памяці аб самаахвярнасці герояў.

Дзень Перамогі

Дзень Перамогі — адно з самых важных і шанаваных свят у Беларусі. Яго адзначаюць 9 мая. Гэта дзень памяці аб гераічным подзвігу народа ў гады Вялікай Айчыннай вайны. У гэты дзень па ўсёй краіне праходзяць урачыстыя мерапрыемствы, парады, канцэрты. Людзі ўскладаюць кветкі да помнікаў і мемарыялаў загінулым воінам. Асаблівую пашану і ўвагу надаюць ветэранам, дзякуючы якім мы сёння жывём пад мірным небам. Вечарам у многіх гарадах грыміць святочны салют.