Номер 113, страница 86 - гдз по белорусскому языку 9 класс учебник Валочка, Васюковіч

113. Прачытайце складаназалежныя сказы. Назавіце ў іх галоўную і даданую часткі. Знайдзіце ў галоўнай частцы слова (спаралучэнне слоў), якое паясняе даданая частка. Пастаўце пытанне ад галоўнай часткі да даданай. Вызначце сродкі сінтаксічнай сувязі частак.

1. Нябачная сцежка, якой яны ішлі, прывяла да высокай зламанай бярозы над самым адхонам (У. Караткевіч). 2. Яна вырашыла пайсці па тых ціхіх вуліцах, дзе яны некалі часта гулялі з Раманам (У. Федасеенка). 3. Рэчка Лясная густа аплецена лазняком, адкуль толькі ў засушлівае лета адыходзіць вада (У. Сітуха). 4. Быў якраз той час, калі жанчыны могуць пастаяць ля студні, пагаварыць (У. Саламаха). 5. Ад рашчучасці, якая з'явілася раніцай, да вечара не засталося і следу (Т. Пяшко). 6. І, нягледзячы на чэрвень, у сівізне лісця вербаў, што тужліва выцягнуліся ўздоўж вясковай вуліцы, праглядалася жаўцізна (Н. Касцючэнка). 7. Яліны выдзяляліся сваёй цёмнай зеленню, на фоне якой асабліва прыгожа выглядала сонечная жаўцізна дробнага бярозавага лісця (Я. Брыль).

1. Галоўная частка: Нябачная сцежка ... прывяла да высокай зламанай бярозы над самым адхонам, даданая: якой яны ішлі. Даданая частка паясняе ў галоўнай слова сцежка (пытанне: якая?). Сродак сувязі — злучальнае слова якой.

2. Галоўная частка: Яна вырашыла пайсці па тых ціхіх вуліцах, даданая: дзе яны некалі часта гулялі з Раманам. Даданая частка паясняе ў галоўнай словазлучэнне тых ... вуліцах (пытанне: якіх?). Сродак сувязі — злучальнае слова дзе.

3. Галоўная частка: Рэчка Лясная густа аплецена лазняком, даданая: адкуль толькі ў засушлівае лета адыходзіць вада. Даданая частка паясняе ў галоўнай слова лазняком (пытанне: якім?). Сродак сувязі — злучальнае слова адкуль.

4. Галоўная частка: Быў якраз той час, даданая: калі жанчыны могуць пастаяць ля студні, пагаварыць. Даданая частка паясняе ў галоўнай словазлучэнне той час (пытанне: які?). Сродак сувязі — злучальнае слова калі.

5. Галоўная частка: Ад рашучасці ... да вечара не засталося і следу, даданая: якая з'явілася раніцай. Даданая частка паясняе ў галоўнай слова рашучасці (пытанне: якой?). Сродак сувязі — злучальнае слова якая.

6. Галоўная частка: І, нягледзячы на чэрвень, у сівізне лісця вербаў ... праглядвала жаўцізна, даданая: што тужліва выцягнуліся ўсцяж вясковай вуліцы. Даданая частка паясняе ў галоўнай слова вербаў (пытанне: якіх?). Сродак сувязі — злучальнае слова што.

7. Галоўная частка: Яліны выдзяляліся сваёй цёмнай зеленню, даданая: на фоне якой асабліва прыгожа выглядала сонечная жаўцізна дробнага бярозавага лісця. Даданая частка паясняе ў галоўнай слова зеленню (пытанне: якой?). Сродак сувязі — злучальнае слова якой.